Casy na zmakanjach pśedcytajomy wšake, což jo z temu pśěze zwězane, abo teke pśisłuchajomy tomu, což su maminorěcne k tomu wulicowali. Wěste naraźenja za lekturu namakajośo teke na głownem boce. Casy se zaběramy teke z temami drastwy, pak serbskej, pak z drugich krajow.
Na našych zmakanjach słyšyš wjele njewšednych słow. Wšake nowe zapśiměśa zběramy w našym słownicku. Zmakanja su ale teke góźba, aby jadnotliwce swój rěcny staw pówušyli. Někotare to cynje z tym, až se wšake słowka zapišu.